દક્ષિણ ભારતનો એક એવો નેશનલ પાર્ક, જ્યાં જંગલી પ્રાણીઓ વચ્ચે પસાર કરી શકો છો રાત

મિત્રો આજે અમે તમને જણાવીશું કેરળના એક એવા પેરિયાર નેશનલ પાર્ક વિશે કે જે દક્ષિણ ભારતના સૌથી સુંદર નેશનલ પાર્કમાંથી એક છે. જે પ્રવાસીઓમાં પણ ખુબ જ ફેમસ છે. આ નેશનલ પાર્કમાં નાઈટ ટ્રેકિંગની પરમીશન પણ આપવામાં આવે છે, જે પ્રવાસીઓને વધારે આકર્ષે છે. જો તમે નેચર લવર છો અને જંગલમાં રાત પસાર કરવાનો રોમાંચ મેળવવા માંગો છો તો તમે આ નેશનલ પાર્કની મુલાકાત લઈ શકો છો. આવો વધુ જાણીએ આ રોમાંચક નેશનલ પાર્ક વિશે ..

ટાઈગર રિઝર્વ છે આ પાર્ક

આ નેશનલ પાર્ક એક વાઘ સંરક્ષિત વિસ્તાર છે. જોકે વર્ષ 1998થી હાથી સંરક્ષણ પરિયોજના પણ લાગુ કરવામાં આવી છે.

વાઘની સાથે હાથી પણ જોવા મળશે

આ પાર્કમાં તમને દુર્લભ પ્રાણીઓ જોવા મળી શકે છે. જેના કારણે તમારો પ્રવાસ યાદગાર બની શકે છે. હાથીઓના તમને ટોળા જોવા મળશે પરંતુ વાઘ જોવા માટે તમારે ધીરજ રાખવી પડી શકે છે.

અન્ય જંગલી પ્રાણીઓ જોવા મળી શકે છે

વાઘ અને હાથીઓ સાથે તમને અન્ય જંગલી પ્રાણીઓ તેમજ વનસ્પતી, જીવ અને કુદરતી સૌદર્ય જોવા મળી શકે છે.

નાઈટ ટ્રેકિંગની પરમિશન

પેરિયાર નેશનલ પાર્કમાં પ્રવાસીઓને અંદાજીત 3 કલાક માટે નાઈટ ટ્રેકિંગ માટે પરવાનગી આપવામાં આવે છે. પ્રવાસીઓ સાંજે 7 વાગ્યાથી લઈને સવારે 4 વાગ્યા વચ્ચે પોતાનું ટ્રેકિંગ શરૂ કરી શકે છે.

રહેવા માટે ઉત્તમ સુવિધા

આ સાથે તમે રોડ માર્ગે બસ કે ટેક્સી મારફતે અહીં પહોંચી શકો છો. અહીં રહેવા માટે તમામ પ્રકારની હોટલ અને લૉજની સુવિધા મળી રહેશે.

ટ્રેકિંગ માટે ટ્રેઈન્ડ સ્ટાફ

જો તમે ટ્રેકિંગ માટે જઈ રહ્યો છો, તો તમારે માનસિક રીતે મજબૂત બનવું પડશે. કારણે કે તમારે કલાકો સુધી જંગલામાં રહેવું પડી શકે છે. ટ્રેકિંગ દરમિયાન તમારી સાથે ટ્રેઈન્ડ આદિવાસી ગાર્ડ પણ હાજર રહેશે.

ખુબ જ સરળતાથી પહોંચી શકાય છે

પેરિયાર નેશનલ પાર્કથી સૌથી નજીક કોચીન ઈન્ટરનેશનલ એરપોર્ટ છે. આ સાથે ટ્રેન મારફતે તમે આવી રહ્યા હોવ તો આલુવા રેલવે સ્ટેશન ઉતરવાનું રહેશે.

બમ્બૂ રાફ્ટિંગની મજા માણી શકો છો

વિશાળ વિસ્તારમાં ફેલાયેલા આ નેશનલ પાર્કમાં પ્રાણીઓ ઉપરાંત વહેલી સવારે તમે બમ્બૂ રાફ્ટિંગ, ટાઈગર ટ્રેલ્સ, બોર્ડર ટ્રેકિંગ અને બળદગાડાની સવારી કરી શકો છો.

અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.

નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.

Author : Shivani & FaktGujarati Team

Leave a Comment